Christmas 08 lai
By.Paakhai (Zogam Chinstate)
Langbawm a ek a awk cihdan pian in kei leh kei thang kisiah himawk ing ei thang a awk kai tave. Bang hang tua ci ka hiam cihleh nungkum tubang hun Christmas in thugen ding khawng ong kisawl ciang kiging keng ciloding genpah lel ding cise ka hih man hi.Leitung ah mihoih mi genbang vetlo mi nih bekbek om in tua tegel in khat si khin in khat suak nailo cih paunak Senten nanei hi.Tuni in nang leh kei leitung ah ki suak khia khin hih mun ciang tung lah kisi nai samlo ih hih ciangin apaubang vive micingtak lo vive ki hita hi Tua bang pi mah kei akicinglo pen thugen theih nading hun nong ngahsak man un lungdam tak in ka nasang hi.Tuni in alungdam huaibel thu ahih leh nang leh kei ih mawhna tampi om nin kai in apphial mah taleh Topa Zeisu in nang leh kei mawh natang in ong suak in sihna pan ong gumkhia zo hi Topa minthang tahen ***Merry Christmas***
Christmas ni ahih ziak in hih hun tawh kituak ding thu them kong gen ding hi.Ka khuapih te khat U Suan Hau (Hautawng) acih khat Tedim ,sakollam ah om hi.Amah pen sakollam RC pawlpi ah ama hih theih zah in kizang kipia khia mahmah hi.Bang teng ah kipia khia hiam cih leh 1.Dak sat 2.Mi sih ciang singlamteh puaksak 3.tubang hun Christmas zan vak ciang meipi tawi cih teng ah kipia mahmah hi.Khatvei zanvak meipi akhut nih tawh lamto in atawilaitak thakhat thu in ameipi tawi leilak ong den navat hi.Tua thu aza kha khatpa in azin athai ciang in UHautawng bang hang in meipi leilak den na zawzen nahiam acih ciang in UHautawng in puanten kia sedah leh aive cihsan ziau hi.Ih gam ah sungten cih thadah apua a silhding puanten gina zong anei lo kitam mahmah hi.UHautawng in avan sang in meipi na itzaw tuan sam lo hi.Tuni Christmas ni inzong sungten khawng present(letsong) nangah vua leh UHautawng naphawk le-uh cin maw.
USuanhau mah phalbi khuadam laitak Tedim ihtheihsa bangmah in tui hamsalai ong kipum sil hi.Tui kibuakpan cih leh man ong thuah in innsung ong lut hi.Api in tawng abangci kisil zawzen nahia nakhetul zong kawtkim nailopi acih leh UHautawng in kei akawtkim ding a kisil hikeng asiang ding akisil hing ci in nadawng hi.Zomi atamzaw in lamnai kitawn nuam tek hi mailam saupi ding kingaihsun nawnlo hi.Kawtkim lopi a kisiang sawm zomi kitam mahmah tahi.Kingaihsun phatek ni.
Hun kipat lian leh Pa.Khup in denciang thu them ong gen in ongcih ciang in kei zong aw ci in hakgega kawm samah in mangkhat ka manpah hi.Tua ka mang in ih kikhop na ah Christmas kung (tree) vive ong lut damdam in mun onglaa tek uh hi.Ka et phatphat leh tua Christmas tree te in gah ong nei tek in pawlkhat te ah sagih gah in pawl khat te ah kua cih dan in gah nei tek in agah zah uh kibanglo hi.Mangcih ciang in tua Christmas kung khempeuh aden ciang mi ong higai ziau hi.
I pumpi tung ah mit ih muhtheihloh vangtampi om hi.Ahih hang in mit muhtheih avang lian deuh vang kua om hi. Tua pen Laisiangtho Galatians 5:22-23 sung ah kimu thei hi.
1.Lungdamna= Christmas ni in naupang khat gifts nengnokhat pia in tua naupang in lungdam ei lah ong cilo in bang mah ong genvet loin na napiak ong sang hi.Tua leh adang naupang khat mah tua bang mah in gifts khat pia in tua naupang in nuamsing ei lungdam si ei ong ci kei leh koi zaw na itzaw a kua pilsa in napakta zaw ding hiam? Lungdam ei nuamsing ei cih lungdamna kammal ong pai khiatna pen na pumpi tung a om vang khat mah ahi Kam ahihi.
2.Lungnopna=Kha khat sung bang an nene napi in daileng vetkei lecin na lung anop thei ding hiam lungnopna omloding hi .Tua na annek ahoihlo teng apai khiat ciang bek in lungnopna na ngah ding hi tua apaikhiatna pen na pumpi tung a vang khatmah ahi Ninha paikhiatna (Tawvang) ahihi.
3.Lungduaina= 4.Migitna = Hehnading khat ong kigen ,na hoihlo nakhat ong kigen azalo kineih lecin lungduai migipa ong kici ding hi.Tua na zaktheihna pen na pumpi tung a vangnih ahi veilam bil leh taklam bil ahihi.Hehnading te Zanapi a zalo kineih na in bil vang te zatsiam na hi a picingna hi in lungduai migi kici thei pan hi.
5.Hoihna= 6.Cihtakna=Sa khawng I leiciang in khatveivei et bek tawh kikhen theilo thei hi.Tua bang ciang in nak kizang in kinam a anam siat leh hoihnawn kei ei ci in kilei lo hi.Mi hoih leh mi citak te in anakdan uh nuam sa uhhi.Hoihna leh cihtakna neihtheih nading in pumpi tung a vangnih ahi taklam nakvang leh veilam nakvang ahihi.
7.Dikna= 8.Pumpi kiuk zawhna=Ze-etna pen mit pan in zong tampi ong pai hi.Dikna leh pumpi kiukzawhna pen na pumpi tung a om vangnih ahi taklam leh veilam mitte ahihi.Mitpan in mitampi in akoici gamta mi cih khentel thei uhhi.
9.Itna=Hih pen thutampi huam mahmah in zailua hi.Adiakdiak in Paul in keibang in khatguak na omzawh vualeh lah asialua hituan kei ahih hang ih pumpi tung vangkhat mah ahi nintui paikhiat na pen zun thaknading bek hilo hi adang zatnading zong om ahih lam ong hemgen khinkhian hi.
Nidanglai in galkido ciang in teipi leh thaltang kizang in tua te dal nading Lum na kibawl hi.
Mihing te ong pil tektek in thautang aleng ziahziah thei G3 cihmah atuamtuam thau ong bawl uh hi tua te dal nading thautang butloh ding Helmet lukhu man (glass) atuamtuam ong bawl thei veve uh hi.
Mite pilna ong kibeh laptoto in Nuclear,chemical weapon atuamtuam ong bawl thei uh hi tu in ahih leh tua te dal nading van kibawl zo nawnlo hi.Tua te dal nading khat bekbek om in tua in Itna ahihi.
Caesar Charlemagne-te in galkap leh thatang tawh gam phut uh a,kisiamang hi.Jesu Nazareth khua mi,sing tunga kithat Judah mi khat bek in “Itna” tawh a gam phut a, tu-in mi tulthen tampi ama adingin singam hi.Ref Gamngai Magazine 2008
Tuni in den a ka sunmang mahbang in Christmas kung vive I hi a,ih pumpi tung ah gah kua ihgah theih nading in zong vangkua ciat ih nei a ih neihzah akikim sitset ahihi.Tua mun tek ah agah kim ciat sak thei ding in Sian in ong siam tahen.
By.Paakhai (Zogam Chinstate)
Langbawm a ek a awk cihdan pian in kei leh kei thang kisiah himawk ing ei thang a awk kai tave. Bang hang tua ci ka hiam cihleh nungkum tubang hun Christmas in thugen ding khawng ong kisawl ciang kiging keng ciloding genpah lel ding cise ka hih man hi.Leitung ah mihoih mi genbang vetlo mi nih bekbek om in tua tegel in khat si khin in khat suak nailo cih paunak Senten nanei hi.Tuni in nang leh kei leitung ah ki suak khia khin hih mun ciang tung lah kisi nai samlo ih hih ciangin apaubang vive micingtak lo vive ki hita hi Tua bang pi mah kei akicinglo pen thugen theih nading hun nong ngahsak man un lungdam tak in ka nasang hi.Tuni in alungdam huaibel thu ahih leh nang leh kei ih mawhna tampi om nin kai in apphial mah taleh Topa Zeisu in nang leh kei mawh natang in ong suak in sihna pan ong gumkhia zo hi Topa minthang tahen ***Merry Christmas***
Christmas ni ahih ziak in hih hun tawh kituak ding thu them kong gen ding hi.Ka khuapih te khat U Suan Hau (Hautawng) acih khat Tedim ,sakollam ah om hi.Amah pen sakollam RC pawlpi ah ama hih theih zah in kizang kipia khia mahmah hi.Bang teng ah kipia khia hiam cih leh 1.Dak sat 2.Mi sih ciang singlamteh puaksak 3.tubang hun Christmas zan vak ciang meipi tawi cih teng ah kipia mahmah hi.Khatvei zanvak meipi akhut nih tawh lamto in atawilaitak thakhat thu in ameipi tawi leilak ong den navat hi.Tua thu aza kha khatpa in azin athai ciang in UHautawng bang hang in meipi leilak den na zawzen nahiam acih ciang in UHautawng in puanten kia sedah leh aive cihsan ziau hi.Ih gam ah sungten cih thadah apua a silhding puanten gina zong anei lo kitam mahmah hi.UHautawng in avan sang in meipi na itzaw tuan sam lo hi.Tuni Christmas ni inzong sungten khawng present(letsong) nangah vua leh UHautawng naphawk le-uh cin maw.
USuanhau mah phalbi khuadam laitak Tedim ihtheihsa bangmah in tui hamsalai ong kipum sil hi.Tui kibuakpan cih leh man ong thuah in innsung ong lut hi.Api in tawng abangci kisil zawzen nahia nakhetul zong kawtkim nailopi acih leh UHautawng in kei akawtkim ding a kisil hikeng asiang ding akisil hing ci in nadawng hi.Zomi atamzaw in lamnai kitawn nuam tek hi mailam saupi ding kingaihsun nawnlo hi.Kawtkim lopi a kisiang sawm zomi kitam mahmah tahi.Kingaihsun phatek ni.
Hun kipat lian leh Pa.Khup in denciang thu them ong gen in ongcih ciang in kei zong aw ci in hakgega kawm samah in mangkhat ka manpah hi.Tua ka mang in ih kikhop na ah Christmas kung (tree) vive ong lut damdam in mun onglaa tek uh hi.Ka et phatphat leh tua Christmas tree te in gah ong nei tek in pawlkhat te ah sagih gah in pawl khat te ah kua cih dan in gah nei tek in agah zah uh kibanglo hi.Mangcih ciang in tua Christmas kung khempeuh aden ciang mi ong higai ziau hi.
I pumpi tung ah mit ih muhtheihloh vangtampi om hi.Ahih hang in mit muhtheih avang lian deuh vang kua om hi. Tua pen Laisiangtho Galatians 5:22-23 sung ah kimu thei hi.
1.Lungdamna= Christmas ni in naupang khat gifts nengnokhat pia in tua naupang in lungdam ei lah ong cilo in bang mah ong genvet loin na napiak ong sang hi.Tua leh adang naupang khat mah tua bang mah in gifts khat pia in tua naupang in nuamsing ei lungdam si ei ong ci kei leh koi zaw na itzaw a kua pilsa in napakta zaw ding hiam? Lungdam ei nuamsing ei cih lungdamna kammal ong pai khiatna pen na pumpi tung a om vang khat mah ahi Kam ahihi.
2.Lungnopna=Kha khat sung bang an nene napi in daileng vetkei lecin na lung anop thei ding hiam lungnopna omloding hi .Tua na annek ahoihlo teng apai khiat ciang bek in lungnopna na ngah ding hi tua apaikhiatna pen na pumpi tung a vang khatmah ahi Ninha paikhiatna (Tawvang) ahihi.
3.Lungduaina= 4.Migitna = Hehnading khat ong kigen ,na hoihlo nakhat ong kigen azalo kineih lecin lungduai migipa ong kici ding hi.Tua na zaktheihna pen na pumpi tung a vangnih ahi veilam bil leh taklam bil ahihi.Hehnading te Zanapi a zalo kineih na in bil vang te zatsiam na hi a picingna hi in lungduai migi kici thei pan hi.
5.Hoihna= 6.Cihtakna=Sa khawng I leiciang in khatveivei et bek tawh kikhen theilo thei hi.Tua bang ciang in nak kizang in kinam a anam siat leh hoihnawn kei ei ci in kilei lo hi.Mi hoih leh mi citak te in anakdan uh nuam sa uhhi.Hoihna leh cihtakna neihtheih nading in pumpi tung a vangnih ahi taklam nakvang leh veilam nakvang ahihi.
7.Dikna= 8.Pumpi kiuk zawhna=Ze-etna pen mit pan in zong tampi ong pai hi.Dikna leh pumpi kiukzawhna pen na pumpi tung a om vangnih ahi taklam leh veilam mitte ahihi.Mitpan in mitampi in akoici gamta mi cih khentel thei uhhi.
9.Itna=Hih pen thutampi huam mahmah in zailua hi.Adiakdiak in Paul in keibang in khatguak na omzawh vualeh lah asialua hituan kei ahih hang ih pumpi tung vangkhat mah ahi nintui paikhiat na pen zun thaknading bek hilo hi adang zatnading zong om ahih lam ong hemgen khinkhian hi.
Nidanglai in galkido ciang in teipi leh thaltang kizang in tua te dal nading Lum na kibawl hi.
Mihing te ong pil tektek in thautang aleng ziahziah thei G3 cihmah atuamtuam thau ong bawl uh hi tua te dal nading thautang butloh ding Helmet lukhu man (glass) atuamtuam ong bawl thei veve uh hi.
Mite pilna ong kibeh laptoto in Nuclear,chemical weapon atuamtuam ong bawl thei uh hi tu in ahih leh tua te dal nading van kibawl zo nawnlo hi.Tua te dal nading khat bekbek om in tua in Itna ahihi.
Caesar Charlemagne-te in galkap leh thatang tawh gam phut uh a,kisiamang hi.Jesu Nazareth khua mi,sing tunga kithat Judah mi khat bek in “Itna” tawh a gam phut a, tu-in mi tulthen tampi ama adingin singam hi.Ref Gamngai Magazine 2008
Tuni in den a ka sunmang mahbang in Christmas kung vive I hi a,ih pumpi tung ah gah kua ihgah theih nading in zong vangkua ciat ih nei a ih neihzah akikim sitset ahihi.Tua mun tek ah agah kim ciat sak thei ding in Sian in ong siam tahen.
